ကျွန်မ၏ခံစားမှုများ သီကုံးရာ လွတ်လပ်ခြင်းအနုပညာ


ရင်ထဲကဒိုင်ယာရီ
February 2, 2008, 7:59 am
Filed under: Lin Let Kyal Sin, True Feelings

နှစ်သစ်မကူးပြောင်းခင်အချိန်မှစပြီး ကျွန်မစိတ်ထဲမှ အလိုချင်ဆုံးအရာများကို ကျွန်မသေချာစဉ်းစားမိသည်။ သေသေချာချာ စဉ်းစားဆုံးဖြတ်ပြီးချိန်မှာ အကောင်းဆုံးဖြစ်အောင် လုပ်ဆောင်ဖို့ကြိုးစားခဲ့ပေမယ့် ကံကြမ္မာက ကျွန်မကို မျက်နှာသာမပေးသေး .. ။ ဘ၀မှာ ပူလောင်သော ၊ ပြင်းထန်သော ဖိနှိပ်ချုပ်ချယ်မှုများဒဏ်ကို ခါးသီးစွာ မခံစားနိုင်တော့ချိန်မှာ လူတစ်ယောက်၏နှလုံးသားကိုပါ အပြီးပိုင်မြေမြုပ်ရမည်တဲ့လေ .. ။ အကောင်းဆုံး နားလည်မှုမျိုးကို ကျွန်မဘ၀မှာ သိပ်လိုချင်ခဲ့မိပါသည်။ နားလည်မှုပေးသော ၊ တစ်ဖက်၏လိုချင်မှုကို ဆုံးအောင်နားထောင်စဉ်းစားပြီးမှ ရလာသော ဆုံးဖြတ်ချက်များကို ကျွန်မ တမ်းတမ်းတတ အလိုရှိပြီး မိမိအတ္တကို ရှေ့တန်းမတင်သော အေးချမ်းသည့်နေရာလေးတစ်ခုကို ကျွန်မ သွားချင်နေမိပါသည်။

လက်လျှော့လိုက်ပြီဖြစ်သော ဆုံးဖြတ်ချက်တစ်ခုအတွက် ကျွန်မ နောင်တမရချင်ပါ။ ငဲ့ညှာမှုများ ၊ ကြိုးစားဆွေးနွေးမှုများဖြင့် အကောင်းဆုံးကြိုးစားနေရင်း ဖွဲ့တည်လာသည့် ကျွန်မနှလုံးသားထဲမှ ဒဏ်ရာဒဏ်ချက်များအတွက် ကျွန်မအလိုရှိသည်မှာ ချစ်သူ၏တွဲလက်များသာ ဖြစ်သည်။ တစစီပြန့်ကျဲနေသည့် ဖန်ခွက်ကွဲစများကြားမှာ ကြိမ်ဖန်များစွာ တလိမ့်လိမ့်ကျဆင်းသွားသော မျက်ရည်များနှင့်အတူ တစတစ တိုးပွားလာသော နာကျင်ခြင်းဒဏ်ရာတွေက တည်ငြိမ်သောဘ၀တစ်ခုကို ပိုမိုတောင့်တလာမိသည်။ တည်ငြိမ်စွာရှင်းပြဆွေးနွေးခွင့်မရှိသော ဘ၀တစ်ခုမှာ မမျှော်လင့်ဘဲ ၀င်ရောက်လာတဲ့ အလင်းရောင်တစ်ခုအတွက် နှလုံးသားနှင့်အသက်ကို လည်စင်းပေးရမည်ဆိုလျှင် ဤဒဏ်ရာများအဆုံးသတ်သွားပေလိမ့်မည်။

နားလည်မှုများ ၊ အားပေးမှုများ ၊ စာနာမှုများဖြင့် ဖွဲ့စည်းတည်ဆောက်ထားသော ပျော်ရွှင်အေးချမ်းသည့် မိသားစုများကိုမြင်ရလျှင် မျက်ရည်အကြိမ်ကြိမ်ကျမိသည်။ အရာရာကို လက်မလျှော့တတ်သူပီပီ အကောင်းဆုံး ကြိုးစားပြီးချိန်မှာ ရရှိလိုက်သောအရာကား ရင်နှင့်မမျှသော ဒဏ်ရာဒဏ်ချက်များသာ ။ စိတ်ကူးအတွေးများဖြင့် လွတ်လပ်ပျော်ရွှင်နေရမည့် အရွယ်မှာ တအုံနွေးနွေးဒဏ်ရာများက မနက်ဖြန်တိုင်း၏မျှော်လင့်ချက်များကို အသေသတ်နေခဲ့သည်။ သဘာဝအကျင့်စရိုက်ချင်းတူပြီး နားလည်မှုများစွာ ပေးလွန်းသော ၊ အကိုတစ်ယောက်၏မေတ္တာလို တစ်မျိုး ၊ လူကြီးတစ်ယောက်မေတ္တာလိုတစ်မျိုး ၊ ချစ်သူတစ်ယောက်၏ ကြင်နာယုယမှုများဖြင့် ကျွန်မဘ၀တစ်ခုလုံးကို အလင်းရောင်ထွန်းညှိပေးသော ချစ်သူ၏ ချစ်ခြင်းမေတ္တာများကြောင့်သာ ကျွန်မနှလုံးသားက ခွန်အားမမဲ့သွားခြင်းဖြစ်သည်။ ကျွန်မ၀ါသနာ ၊ အကျင့်စရိုက် ၊ အေးဆေးစွာ နေပုံထိုင်ပုံ ၊ ဘ၀အခက်ခဲများကို တစ်ယောက်တည်းသာ ကြိုးစားဖြေရှင်းမှုများ၏ရလဒ်က အကြီးမားဆုံးအပြစ်များထဲမှ တစ်ခုဖြစ်နေကြောင်း တရားမျှတမှုမဖြစ်စွာ ကျွန်မသိရှိပြီးချိန်မှာ ကျွန်မပြောချင်သောအကြောင်းအရာအားလုံး တစ်သက်တာ ဆွံ့အသွားခဲ့သည်။

ကျွန်မသွားချင်သော အနာဂတ်လမ်းအားလုံးအတွက် အမြဲအဆင်သင့်ဖြစ်ပေးနေသော ချစ်သူ၏စေတနာများကို မျက်ဝါးထင်ထင်မြင်ရတိုင်း စူးရှသော အနာများနှင့်အတူ မကြာမကြာ မျက်ရည်မြစ်များ စီးဆင်းခဲ့ရဖူးသည်။ စိတ်ထောင်းကိုယ်ကြေ .. ရုပ်ပိုင်းဆိုင်ရာ ကျန်းမာရေးများ ချို့ယွင်းလာချိန်မှာ ခပ်မျော့မျော့ဖြစ်နေသော စိတ်ပိုင်းဆိုင်ရာနှလုံးသားတစ်ခုလုံးက တစ်စုံတစ်ရာမျှ တောင်းဆိုဖွင့်ဟခွင့်မရှိခဲ့ .. ။ ဘယ်အချိန်ပြိုကွဲပေါက်ကွဲလာမည့်မသိသော မိုးကြိုးလက်နက်တစ်ခုကို စောင့်နေသူလို အချိန်ပြည့် စိတ်မောနေရချိန်မှာ နာကျင်ခြင်းအားလုံးက တဖြေးဖြေးနှိပ်စက်နေသည်။ စူးရှပြင်းထန်လွန်းသော စကားလုံးများအောက်မှာ ကျဆင်းခဲ့သော စိတ်ဓါတ်များအားလုံးက အနိုင်နိုင်ပြန်ကြိုးစားထရင်း နှလုံးအိမ်တစ်ခုလုံး နာကျင်ခြင်းသွေးများ ဖုံးလွှမ်းသွားခဲ့ရသည်။

လှောင်အိမ်ထဲကငှက်ငယ်

နှလုံးသားဆိုတာ
စက်ရုပ်တစ်ခုလို
အမိန့်ပေးလို့မှ မရတာ .. ။

လူသားတစ်ယောက်ဆိုတာ
လိုချင်သလို
ပုံသွင်းထုယူလို့မှ မရတာ .. ။

အချစ်ဆိုတာ
လိုသလိုစိတ်တိုင်းကျ
ဖန်တီးယူခွင့်မှ မရှိတာ .. ။

ဘ၀ဆိုတာ
ဖြစ်ချင်တာအားလုံးထက်
ဖြစ်သင့်တာအားလုံးနဲ့
လက်ပစ်ကူးနေရတာ .. ။

ရှင်သန်ခြင်းဘ၀တစ်ခုမှာ
အမိန့်ဒေါသတွေအောက်
နာကျင်ကြေကွဲနေခဲ့ရတဲ့
လှောင်အိမ်ထဲကငှက်ကလေးအတွက်
အပြာရောင်ကောင်းကင်ကြီးတစ်နေရာ
မျှော်လင့်ချက်အလင်းရောင်များစွာ
နေ့စဉ်ရက်ဆက်စောင့်နေဆဲ .. ။

မြင်ယောင်နေတဲ့ ပျော်ရွှင်မှုတွေ
သွားချင်နေတဲ့ အနာဂတ်လမ်းတွေ
ကြားယောင်နေတဲ့ လိုချင်မှုတွေ
အားလုံးပြည့်နှက်လှပနေတဲ့
နေရာသစ်ဘ၀တစ်ခုလေးစီ
အားတင်းကာကြိုးစားရုန်းထွက်ပျံလှည့်ဦး
လှောင်အိမ်ထဲက ငှက်ငယ်ရေ …. ။

လင်းလက်ကြယ်စင်


2 Comments so far
Leave a comment

လင်းရေ ခံစားချက်တွေ သိပ်ပြင်းထန်နေပါလား ။ ဘ၀မှာ ဖြစ်ချင်တာအားလုံး ဖြစ်ခွင့်ရပါစေ သူငယ်ချင်း။

Comment by စိုင်းကျော်စွာ

အမြန်ဆုံး အဆင်ပြေပျော်ရွှင်နိုင်ပါစေ။

Comment by ငယ်ငယ်လေး




Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s



%d bloggers like this: